Atif Javed Atif - Ghazal "Ai musawwir" October 6, 2011

GHAZAL (ATIF JAVED ATIF)

tujh say ger ban sakay bana ker la !!

Ai mussawwir bana !! bana ker la ..

Habs ko phailta dikha dil mein ...

phir ussay ja'baja bana ker la ...

Dard kuch la-dawa sa lagnay day ..

zakhm ko na'rasa bana ker la ..

jiss jaga per diya bana hai daikh ..

ab yahan per hawa bana ker la ..

chait ka chaand , chodhvii'n ki raat !!

jheel ka aaina bana ker laa ..

aankh mein rung bhar annabi sa..

phir ussi ko khafa bana ker la ...

ik musaafir thaka hua sa orr...

dur tak raasta bana ker la...

door tak ghoorti hui ankhein ..

aasma'n mein khala bana ker laa..

jiss jaga per tmaam ho rsta...

buss wahin haadisa bana ker laa